عدد الرسائل : 577 العمر : 38 العمل/الترفيه : nothing الجنس : السكن : وانتم مالكم تاريخ التسجيل : 04/05/2008
موضوع: الف ليلة وليلة عصرية مصرية.. الأحد مايو 11, 2008 4:19 pm
" الف ليلة وليلة عصرية مصرية.."" وهي حقبة جديدة من الف ليلة لم يأتي التاريخ على ذكرها خالص ..!! ازاي لما تقرأو هتعرفوو !!!! ..وبانتظار آرائكم... لان عندي حلقات تانية منها..بس يارب البداية دي تعجبكم ...
ولما كانت الليلة ال 899 .....
والنسيم عليل في السلطنة الشهريارية... والقمر بدر والليل هــــــــــــــــــادي... وشهريار وشهرزاد في انسجام تام... وشهريار يغني بصوته الكرواني.."احكي يا شهرزاد ..احكي لشهريار..ههههه دي اغنية لسميرة سعيد ياروح قلب شهريار.. ما تخلي الحدوته رومانسية المرة دي بأه...وخليكي جدعة... شهرزاد تضحك في دلال..وقالت وهي تداعب باناملها..وسادة حريرية..هههه أمرك يا شهرور قلبي....انه يامولاي ..لما إلتقى العاشقان ..والتقت نظراتهما ..قال لها العاشق المتيم... لقد وجدتك وما عدت احتمل العيش بدونك..بدون عيناكي..بدون عطرك..اني احيا من اجلك..اموت من اجلك..بدونك...بدون...بــ ..... طن ....طن ...تان تان.. كان صوت طنين وضرب عالي ..شهريار من مجلسه انتفض...ومن قعدته المريحة..قام ونده بعلو صوتوا على الخدام... ايــــــــــــــــــــه ده فيّ ايه الحرب قامت.. يا خدام...ياسياف..لكن شهرزاد.. من جلستها مااتحركت.. ومن الصوت مااستغربت.... وعلى شهريار نادت..وبصوت ناعم قالت..ههههههههه يا مولاي..ده سياف بيقرع على الصاج..عشان معاد الفجر.. شهريار مستعجبا وحانقا...وبإيديه سادد ودانه..وعينيه مدهوشَة..ليه وعشان ايه .؟؟..ماالديك موجود..وصوته امبارح ماكانش مفقود..وبيصحينا وبالأدان بيفكرنا ويوعينا...!! وبميعاد نهاية الحدوته بيفكرك.. يبأى ايه اللي تغير...وليه سياف قلب الليلة غم ده انا على أعصابي مش عارف اتلم...؟؟ شهرزاد..قالت له ..هو مولاي معرفش..ده الديك بتاع القصر استهوى..وجات له انفلونزا ...!! تعجب شهريار..وهرب منه الكلام..واحتار...وقبل ان يتكلم .. ..تنهدت شهرزاد..وقالت له صبرا..حااحكي من الاول.. شهريار وهو غضبان..اسرعي وبالحكاية ابتدي.. شهرزاد..امرك يامولاي..انه ياسلطان البلاد..تفشى في الديار مرض بالطيور غدار... وللانسان منقول..منها..ومن اهماله في تربيتها.. وانتشر الوباء في كل بيت وحارة.. والسطوح بأت...عشش موت.. وغدَرَ وبَاء الطٌيور ببيَاع الفِراخ والطِير..وأصبح على حاله متحسَّر ومقهٌور.. والمزارع أصبحت تبيع الغالي بالرٌخص..والتاجر الفاسد يستغِل الحَال ويزود في الأسعار.. ... والديون على الغلابة إتراكمت..ولرزقهم قطعت.. والعيال أول اللي إتصاب..وطفل ورا..طفل كل يوم بينهَار.. الاهالي والتجارعلى رزقها محسورة..والتعويض اللي اتوعدوا بيه..بيسألو هو فين واتأخر ليه..؟؟ ووزير البرشام العام..بالتصريحات فلقهم..ومش راضي حد يعبرهم.. والناس بتسأل إمتى الوباء يختفي ..وحالنا يتصلح..ومن الغلب نفوق..وترجع ايام كنا فيها فوق فوق.. ... والآن يامولاي..بعد الحكاية وكل الرواية..ماذا انت فاعل..وفي امر الناس آمر ....؟؟؟؟ رد شهريار بعد تفكير...امممم والله اذا كان الوباء وصل لحد القصر..ومن ديكي اتمكن...اذا ليس امامي الا هذا الحل ..!!!! شهرزاد متسائلة وماهو..يا مولاي ؟؟؟ قال لها..شهريار...في الحال راح اظبط الموبايل على رنة صياح الديك..ويرن الفجر.. ودمتي ياشهر.... ..وتصبحي على خير... شهرزاد متعجبة .. ..خير...!!!
.......................
انتظرونا مع الجزء القادم
بوسى كات اميرة مملكة الحب
عدد الرسائل : 33 العمر : 40 العمل/الترفيه : الكمبيوتر الجنس : تاريخ التسجيل : 11/05/2008
موضوع: رد: الف ليلة وليلة عصرية مصرية.. الأحد مايو 11, 2008 6:28 pm
السلام عليكم
تسلم ايدك يا جوليت عالقصه الجميله دي
romance مقطع مبدع
عدد الرسائل : 958 العمر : 37 العمل/الترفيه : كونغوفو السكن : مالكوش فية تاريخ التسجيل : 23/04/2008
موضوع: رد: الف ليلة وليلة عصرية مصرية.. الإثنين مايو 12, 2008 12:39 am
مشكوررررة جوليت tHANK U
جوليت الحب صاحبة الموضوع الذهبي
عدد الرسائل : 577 العمر : 38 العمل/الترفيه : nothing الجنس : السكن : وانتم مالكم تاريخ التسجيل : 04/05/2008
موضوع: رد: الف ليلة وليلة عصرية مصرية.. الإثنين مايو 12, 2008 10:29 am
عدد الرسائل : 577 العمر : 38 العمل/الترفيه : nothing الجنس : السكن : وانتم مالكم تاريخ التسجيل : 04/05/2008
موضوع: رد: الف ليلة وليلة عصرية مصرية.. الإثنين مايو 12, 2008 10:30 am
هلا رومانسى العفو ياخوية
جوليت الحب صاحبة الموضوع الذهبي
عدد الرسائل : 577 العمر : 38 العمل/الترفيه : nothing الجنس : السكن : وانتم مالكم تاريخ التسجيل : 04/05/2008
موضوع: رد: الف ليلة وليلة عصرية مصرية.. الإثنين مايو 12, 2008 10:34 am
واتمنى الحلقة دي تعجبكم وبالهنا والشفا.....
ولما كانت الليلة قبل الالف بيوم..والوقت أزف وشهرزاد مستنية بالدموع..سياف الملعون.... لقت الهدوء مخيم ع القصر... وشهريار مختفي وبعزلته مكتفي... !!!! وناسي امرها.. ومدي لسياف أجازة...ولا كأنها جنازة شهرزاد استغلت الفرصة.. وراحت تشوف ايه اللي جراله..يمكن ترتاح من ناره.... لما دخلت على شهريار ..وجدت أمراً هالها ومن دهشتها وقفت تتفرج وعلى منظره تضحك .... ..... وجدته ياسادة.. لابس احمر في احمر.. وقاعد ساكت مزنهَّر..وعينيه..على منظر واحد مش بيحركها..ولا شاف شهر ولا غيرها..!!!!!! صاحت فيه ..مولاي ماذا انت صانع و ايه بتابع..؟؟؟!! ... نهرها وقالها اسكتي.. دي حاجة مالكيش فيها..الأهلي.. بيلعَب ..يا تلقيحة..!!!!!!! شهرزاد اتغاظت ... واستنت الماتش يخلص والليلة تنتهي والديك يدن..... لكن شهريار كان في عالم تاني..فرحان بفوز الاهلي بالكاس وعقله من الفرحة احتاس..
وهي من القهر نامت وعلى الادان قامت... واصرت شهرزاد تاني يوم تنكد عليه...وتهريه وتسمعه مالا يرضيه... وفي الحال ..جابت الجرنال وقالت له عاجبك ..تلاتة مليون مكافأة لفريق احمر.... والناس من الفقر بأه لونها احمر في اخضر و.. الشباب بيموت في البحور ..والطفل من قهر المرض بأه شيخ مقهور....... والناس بتستلف بالربع جنيه..ودول تلاتة مليون جنيه .. دي فلوس زي الرٌز.... والناس مش لاقية تاكل رٌز...سعره غالي وجيوبهم مش طايلاه عشان عالي.. وخد كمان قلِب في المجلة..وشوف مظاهرات عمَّال المحلة... واقول ايه ولا ايه.. وعجبي... .......
مــ المصرى ــيدو المدير العام
عدد الرسائل : 868 العمر : 38 الموقع : https://shlla.yoo7.com/ العمل/الترفيه : طالب بكلية هندسة قسم كهرباء اتصالات المزاج : مشغول الجنس : السكن : من بيتنا تاريخ التسجيل : 05/04/2008
موضوع: رد: الف ليلة وليلة عصرية مصرية.. الإثنين مايو 12, 2008 7:47 pm
جوليت الحب صاحبة الموضوع الذهبي
عدد الرسائل : 577 العمر : 38 العمل/الترفيه : nothing الجنس : السكن : وانتم مالكم تاريخ التسجيل : 04/05/2008
موضوع: رد: الف ليلة وليلة عصرية مصرية.. الثلاثاء مايو 13, 2008 6:26 pm
الحلقة الثالثة ... انه ياسادة ياكرام لما بلغ شهر الصيام..وفي الليلة ال 799 من ليالي ألف ليلة وليلة... وبعد المغرب والبيوت هادية...والكل فطر وحلى وبيتسلى... ورموا الأكل اللي فاض وزاد ...وده حالهم في رمضان وكل يوم على ده الحال..... .... والفقير مايلقى تمرة..وعلى شربة ميه فطوروه وسحوره.. بيبص لللغني ...والغني ولا داري ...وآه ياهمي وياناري.... .... وبعد ايها الاخوان..كان الملك شهريار والاميرة شهرزاد كحال الناس...جالسان في هدوء وانسجام.... وبعد مائدة الفطور... جلسوا يتابعون مائدة الشاشة المسحورة من تمثيليات وعجيب الصورة... !!! ... كان الملك يجلس مسروراً محبوراً والحلويات امامه ...وفي حضنه الاكل اشكال والوان ولا خان الحلويات التمام وشهرزاد على أريكه جنبه ..بتقلب في قنوات التلفاز...بتنقل من واحدة لواحدة ...وكل مسلسل له اغنيه وعند التمثيليه ديه وقفت... كانت اغنيتها هي يتربى في عزو حماده عزو...والناس يتغاظو مايتغاظو على سنانّهم جزوااا.. !!!!!! """"" شهريار ينظر بامتعاض... إقلبي يا شهر الاغنية المستفزة دي..ده انا اللي اتغظت وجزيت ع السِن ..دي حاجة تسد النفس
شهرزاد تنظر اليه في عجب ومن دون ماتتكلم...كانت بتقول لنفسها..سدة نفس مين ..بعد ماكلت صينتين كنافة...وكل قطايف الدار والجار استجار.. !!!!!! ..وتستمر في تنقلها من محطة للتانية ... [size=21][size=21]كانت المحطة اللي وصلت لها...عليها مسلسل بطله فوق السبعين وفي المشهد بيحب واحدة من دور عياله وهاتك ياعواطف...بحبك ياسوسو بحبك..!!!!!! ..شهرزاد ضحكت من حالهم وعليهم علقت وقالت ... طالع البطل من تربته يتهوى وجايبين له بنت هبلة
[size=21]وهذه محطة اخرى عليها فرس وتتار..وسيوف وطيخ طاااخ.. وملابس عجيبة وناس غريبة ... ذاك اسمه مزرجن والاخر ابن خالته يحَنِن !!!!!!! ... واستمر الامر على ماكان.....وفجأة فز شهريار من مقعده..وقال بعلو الصوت... نفسي رمضان يفوووت ..!!!! من غير مسلسل وقال ايه واحد غم والتاني هم والتالت ضحك من غير دم... !!!!! دي حاجه توجع الراس ومالهاش اي أساس !!!! ...... شهرزاد تضحك على كلامه..وتقوله : بس ساعات يامولاي بيباه فيها فايدة ... وإهي الناس عليهم بتتفرج ومن حكاوي المسلسل بتتعلم.. .. شهريار متعجب طبعا لا..وإهي لما تتلغي يوفروا كل جنيه بيترمي !!!!
ده كل ممثل والتاني بياخد له ييجي مليون...مع انه شغله اسهل من عصر الليمون !!!! ... انا شايف توفير الاجور ديه اهم من كل تمثيلية
ومش بس ده السبب ..اني لا أراهم يصنعون العجب..وكلها قصص ملتوته وعلى ايه بس بيحكوها ..!!!!! ..ده انا اقدر أألف لك تمثيليه مثل هذي وانا بأكل الزبادي !!! ..... شهرزاد..مبتسمه والان ماذا تريد ان ترى يا هل ترى ؟؟؟؟؟ جاوبها شهريار بسرعة... لا اريد ان ارى شيئاً وقد وجدت حل افضل ...هيريحني من هذا المسلسل !!! .. سألته شهرزاد في عجب..وماهو الحل يامولاي ..هل ستأمر بحبسهم وتتخلص منهم
قال لها انتظري لاتعجلي...ونادى بصوت عالي...ياخدامي يا مسرور السياف...تعالى لي..!!!!!
شهرزاد اصفرت ...ماهذا يا مولاي أتقتٌلنِي من أجل تليفزيون وتهون عليك العشرة تهون..؟؟؟
قهقه شهريار عاااليا....لم أرد قتلك يا نور القلب وكل امر له حل إلا بالقتل
عند ها حضر مسرور السياف وقال له أأمرني يامولاي تتطاع ... صاح شهريار في عظمة....مِن بٌكرة تاخد التليفزيون تبيعه او تكسرة وترميه وانا هيهمني ايه
والتفت الى شهر وقال ارتحتي....هو ده حلي ... ودمتي يااميرتي
ويبتسم الملك والاميرة...ويكملو الليلة من غير بهروز ودليلة بتوع التمثيلية القديمة
موضوع: الف ليلة وليلة عصرية مصرية.. 
الأحد مايو 11, 2008 4:19 pm
