احمد البرنس مقطع V.I.P
عدد الرسائل : 115 العمر : 35 العمل/الترفيه : مهندس السكن : اببتق لابت لابايبا تاريخ التسجيل : 03/05/2008
| موضوع: امتحان نهاية العام لسنة 2025 الأربعاء يونيو 04, 2008 1:02 pm | |
| وزارة التسلية والتظبيط امتحان اللغة العامية من العام 2025 الزمن : يا تلحق يا متلحقش
وان شاء الله هنشوفك السنة الجاية يا باشا اسم الطالب : غاوى مشاكل التخصص او القسم : يتبع وزارة التسلية والتظبيط
عنوان المنزل (( في حالة الانتحار او الوفاة )) : اول ناصيه على ايدك اليمين تليفون المنزل : اتنين صفر و اربعه خضر
هذا الامتحان برعاية بيبسي كولا دلوقتي .. بيبسي الصاروخ بجنيه واحد بس ...
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة 7 ملاحظة: عجلة الجاذبية "9.8 " في حالة انك حبيت تنط من الشباك يسمح بالغش من اللي وراك أو اللي قدامك أو اللي جنبك طبعاً ماحدش عارف حاجة عشان يديك
السؤال الأول 20 درجةقال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات و بقيتي يا دنيا ماشية عالسقفة و عالصاجات هزيها براحة براحة .. تفضلي على طول مرتاحة هزيها بشويش بشويش .. خلي الشعب يعيش =========================== 1- اشرح الآبيات الاربعة الاخيرة من النص بما لا يقل عن 90 سطرا باختصار شديد 9 علامات)
2- لماذا أكد الشاعر على القصد الشريف و النية الصادقة ، و علام يدل قوله (( راح زمن الشهادات؟)) ؟ 3 علامات
3- استخرج من البيت الاول محسن ابراهيم و محسن اسماعيل مبيناً نوع كل محسن منهما 3 علامات
4- استخرج من البيت الثالث صورتين فوريتين مبينا نوع الكاميرا
السؤال الثاني 8 درجات علل
1- تم نقل السوق المالي إلى سوق السمك؟ 2 علامـة
2- إقبال الناس الى شراء نوكيا 9990 و عدم شراء نوكيا 9900 ؟ 2 علامـة
3- إغلاق شبكة الأخبار بى ان ان بعد زواج شارون ستون ؟ 2 علامـة
4- أسباب اندلاع الحرب بين ..... ما فيش فرق، ا ختر أي حرب، ماهو انت هتعيد كده كده ؟
أخي الممتحن أقلب الصفحة: والله لتندم عالساعة اللي دخلت فيها المدرسة
السؤال الثالث اجبارى وملوش درجات ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟
فاصل إعلاني: غمض عين فتح عين ... اشتري بيتزا تاخد اتنين هذا العرض ساري حتى نهاية الوقت المحدد للإمتحان
السؤال الرابع 8 درجاتورد في قناة روتانا فيديو كليب ' ليلي نهاري ' للمخرج كاميرون كايسي و غناء عمرو دياب
' احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله جنبك حياتي دي اجمل حياة ' ========================== 1-ماذا كان يريد ان يقول عمرو دياب للبت ؟ 4 علامــات
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ 2 علامـــة
3- ما اسم صبي الخياط بتاع ام الموديل اللي كانت مع عمرو في الكليب ؟
السؤال الخامس 20 درجة قال أحدهم: حسن زعبولا .. ماشي بيتسالا .. محندق الجاكيته و بيتعايق بالقلة
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة زوجته الاولى..
فاصل اعلانى بيبسي كولا المشروب الرسمي لهذا الامتحان
أخي الممتحن أقلب الصفحة أحسنلك يا روش مهو انت النهاردة حتتظبط يعنى حتتظبط
السؤال السادس 19 درجة اجب عن الأسئلة التالية ========================= 1- من برأيك أقوى وأفضل بوكيمون - هل هو – بيكاتشو ؟؟؟ 5 علامــات
2 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002 ========================= فاصل اعلانى عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً ======================== سؤال المساعدة لرفع درجة السؤال من 19 الى 20 درجة
و ملهوش لازمة اساساً ========================= أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
انتهت الاسئلة و نلقاكم في امتحان الدور التاني ان شاء الله
قام بوضع الامتحان اساتذة الدروس الخصوصية ( ب )لانشغال اساتذة ( أ ) بدروس جامدة لمن تغيبو عن الامتحان
مع تحيات بيبسي كولا الراعي الرسمي للأمتحان | |
|
مــ المصرى ــيدو المدير العام
عدد الرسائل : 868 العمر : 38 الموقع : https://shlla.yoo7.com/ العمل/الترفيه : طالب بكلية هندسة قسم كهرباء اتصالات المزاج : مشغول الجنس : السكن : من بيتنا تاريخ التسجيل : 05/04/2008
| موضوع: رد: امتحان نهاية العام لسنة 2025 السبت يونيو 07, 2008 10:39 am | |
| تسلم ايدك ياعسل بجد موضوع عسل زيك | |
|